طريقة عمل كوب ماء

طريقة عمل كوب ماء
نحضر كوب فارغ سعة ربع لتر او 350 مليلتر حسب حالة العطش و حجم كرش العطشان و نغسل الكوب تحت الحنفية بالصابون السائل مع ملاحظة دعكه جيدا من الداخل علشان الاتربة لازم تتدعك مش كفاية عليها الشطف نجفف الكوب بمنديل نظيف و ننتظر حتى تمام جفاف الكوب... نشترى زجاجة بركة او سيوة او شويبس او اى ماركة من السوبر ماركت و نضعها فى الثلاجة لمدة ساعتين على الاقل لان السعة الحرارية للماء مرتفعة كما اخذنا فى اولى ثانوى.... نخرج الازازة من الثلاجة و نفتح المسوجر بتاعها.... نجيب صينية قطر 15 الى 20 سم مستديرة او مربعة و نضع عليها المنديل المدور الى بيتحط تحت الاكواب مش عارف اسمه ايه..... ندلق من الازازة فى بطن الكباية لحد ما يفضل فيها سنتيمتر غير ممتلىء و نضعها على الصينية... نحمل الصينية للزبون و ننحنى امامه و نقول له ابلع ياخويا .... ملاحيظ..... اولا عدم غسل الكوب بالسافوا او الجيتول او اى مستحضر يترك رائحة... ثانيا عند اخراج الازازة من الثلاجة يرجى التاكد من انها زجاجة الماء التى وضعناها و ليست زجاجة حاجه ساقعه .. ثالثا يرجى التاكد من ان الكوب شفته مش مكسورة علشان بق الزبون مايتعورش... رابعا يرجى عدم تطفيح الكوب للاخر علشان مايندلقش منه و احنا ماشيين بيه... خامسا يمكن تزيين كوب الماء بقطع الفراولة او الانناس او شرائح الفسيخ ... وبالهنا والشفا كوب سعيد